သားသ္မီးမဲ့ မိဘများ

              အခုတလော တော်တော်များများတွေ့နေမြင်နေရတဲ့, ကြားနေရတဲ့ အကြောင်းတွေက မိဘမဲ့ ကလေးတွေရှိသလို သားသမီးမဲ့ မိဘတွေလည်းတွေ့နေ ကြားနေရတယ်၊ သီတင်းကျွတ်လပြည့်နေ့နဲ့လည်းတိုက်ဆိုင်နေတော့ ဒီပို့စ်လေးကို ရေးဖြစ်သွားတာပါ။ မိဘမဲ့သားသမီးဆိုတာကတော့ မိဘကွယ်လွန်သွားလို့ မိဘမဲ့ဖြစ်ရသလို သားသမီးမဲ့မိဘဆိုတာကတော့ သားသမီးတွေက သေသွားလို့မဟုတ်ပါဘူး၊ သားသမီးတွေက မိဘတွေကို စွန့်သွားလို့ သားသမီးမဲ့ ဖြစ်ရ

တာပါ၊ တစ်ချို့လည်းမိဘတွေကို ပြုစုရကောင်းမှန်းမသိကြသလို မပြုစုချင်ကြတာ တွေနဲ့ မေ့နေကြတာတွေရှိကြတယ်၊
သားသမီးတွေရှိပါလျက်နဲ့ သားသမီးမဲ့ဖြစ်ရတဲ့ မိဘတွေ တစ်ကမ္ဘာလုံးနဲ့ကြည့်မယ်ဆို ဘယ်လောက်တောင်များလိမ့်မလဲ မှန်းဆကြည့်နိုင်ပါတယ်။
ဒီတော့ကား အကြောင်းကိုစိစစ်ဖို့လိုလာသည်၊ ဘာကြောင့် မိဘတွေ သားသမီးမဲ့ဖြစ်ရတာလဲ၊ ၊ သားသမီးတွေ
ကရော ဘာကြောင့် မိဘတွေကို ပစ်သွားရကြတာလဲ၊ အကြောင်းနှစ်ချက်ကိုအဖြေရှာကြည့်ဖို့လိုသည်။
ပထမအနေနဲ့ ဘာကြောင့် မိဘတွေဟာ သားသမီးမဲ့ဖြစ်ရတာလဲ?
မိဘတွေမှာ ကျင့်ဝတ်ငါးပါးရှိတယ်…..
မကောင်းမြစ်တာ၊ ကောင်းရာညွှန်လတ်၊အတတ်သင်စေ၊ ပေးဝေနှီးရင်း၊ ထိမ်းမြာခြင်းလျင်၊ ၀တ်ငါးအင်၊ ဖခင်မယ်တို့တာ၊ တဲ့၊
နံပါတ်-၁ မကောင်းမြစ်တာ တဲ့ မိဘတွေဟာ သားသမီးတွေကို ငယ်ငယ်ကတည်းက သူတစ်ပါးအသက်သတ်ခြင်း၊ သူတစ်ပါးဥစ္စာခိုးခြင်း၊ သူတစ်ပါးသားမယားကို ကျူးလွန်စော်ကားခြင်းတွေဟာ မကောင်းတဲ့အလုပ်တွေပဲ ဒါတွေကို မလုပ်ရဘူး၊ လုပ်ရင်ဘာဖြစ်တတ်တယ်စသည်ဖြင့် မကောင်းမှုမှ တားမြစ်ရမယ်၊ ဆုံးမရမည်ဖြစ်သည်၊ ဒီအကြောင်းအရာတွေကို မိဘတွေကိုယ်တိုင်က လိုက်နာဖို့လိုသည်၊ ကိုယ်တိုင်က စံပြဖြစ်ပါမှ ဆုံးမလို့အဆင်ပြေသည်။ ဆုံးမရဲသည်၊ ဆုံးမရာမှာ အားရှိသည်၊ ကိုယ်ဘက်ချွတ်ယွင်း
နေရင် ဆုံးမရတာ မှာ အားမရှိ ဆုံးမ မရဲဖြစ်ရသည်၊ ဒါကြောင့်ကိုယ်ကိုယ်တိုင်ပြည့်စုံနေရင်တော့ အကောင်းဆုံ့း
ဖြစ်သည်။ ဆုံးမရာ၌လည်း မကောင်းတာမှန်သမျှတားမြစ်ဆုံးမရမည် သားသမီးကိုချစ်လို့ စိတ်ဆင်းရဲသွားမှာ
စိုးလို့ မဆုံးမ မတားမြစ်ပဲထားရင် မိမိခေါင်းပေါ်ကျော်ခွသွားမည်ပင်ဖြစ်သည်၊ အဲဒီအခါကျမှ ဒီကောင် ဒီကောင်မ ရိုင်းလိုက်တာဟု ပြောလို့မဖြစ်၊ ငယ်ငယ်ကတည်းက မိမိ သေချာ မဆုံးမခဲ့လို့ဖြစ်တာပဲ ဟု ဖြေသိမ့်ရုံ
သာရှိသည်။ နောက်ပြီး ဒီသားသမီးက လိမ္မာလို့၊ မလိမ္မာလို့၊ စကားနားထောင်လို့ ၊ နားမထောင်လို့ဆိုပြီး ခွဲခြားဆုံးမစရာမလို၊ ဆုံးမသင့်တာကို တန်းတူထား၍ဆုံးမရမည်၊ သို့မဟုတ်လျင် သူ့ကျတော့ ပြောတယ်၊ သူ့ကျတော့မပြောဘူး ဖြစ်လာနိုင်သည်။
နံပါတ် - ၂ . ကောင်းရာညွှန်လတ် တဲ့၊ သားသမီးတွေကို ငယ်ငယ်ကတည်းက ဘာသာရေးမှာရော လူမှု
ရေးတွေမှာပါ ကောင်းတဲ့စရိုက်တွေ ရရှိဖို့ ဆုံးမသွန်သင်ပေးရမည်၊ အထူးသဖြင့်ဘာသာရေးဖက်မှာ ဗုဒ္ဓ
အဆုံးအမတွေနဲ့ တစ်နေ့ တစ်ကြောင်းဖြစ်ဖြစ် တစ်လုံးဖြစ်ဖြစ် ရင်းနှင်းကျွမ်းဝင်မှုရှိအောင်လုပ်ပေးဖို့လိုသည်၊
ငယ်ရွယ်စဉ်မှာ ဒါနသီလဘာဝနာတွေပြောပြဖို့မလို၊ ကြီးလာလျင် အဆုံးအမတွေက သူ့အလိုလိုသင်ပေးသွားမည်သာဖြစ်သည်။အခုဆို နေရာတိုင်းမှာလိုလို ကလေးယဉ်ကျေးလိမ္မာသင်တန်းတွေ
ဖွင့် ပေးနေကြသည်။ ဒီလိုသင်တန်းမျိုးတွေကို သားသမီးတွေကိုတက်ရောက်ခိုင်းဖို့ တက်ရောက်ချင်စိတ်ဖြစ်အောင်တိုက်တွန်းပေးရမည်ဖြစ်သည်။
နံပါတ် - ၃ ..... အတတ်သင်စေ တဲ့..
ဒါက အရေးကြီးသည် ဘာပညာမှမရှိတဲ့ကလေး ဘာအသိပညာ ဘာဆင်ခြင်ဥာဏ်မှရှိမည်မဟုတ်၊ ဒါကြောင့်
မကောင်းမှုတစ်ခုကို ကျုးလွန်ဖို့ သူ့အတွက်ဘာမှဝန်မလေး လွယ်လွယ်ကူကူနဲ့လုပ်သွားမည်သာဖြစ်သည်။
ပညာသင်ကြားရာ၌ စာဖတ်တတ်ရုံနဲ့မပြီးသေး၊ အတတ်ပညာကနေ အသိပညာရအောင်အသိပညာကနေ သင်ခန်းစာတွေအထိပါယူတတ်အောင်သင်ယူတတ်ဖို့လိုသည်၊ ဆရာတွေနဲ့တင်သင်နေလို့မဖြစ်သေး မိဘကလည်း အိမ်ရောက်လာရင် ထိန်းသိမ်းကြပ်မတ် ပေးသင့်ကပေးရမည်သာဖြစ်သည်၊ ပညာမတတ်သောသူကိုဘယ်အလုပ်ဌာနကမှ အလုပ်လုပ်ခွင့်ပေးမည်မဟုတ်၊ လုပ်ခွင့်ရလည်း သူများအောက်ကအလုပ်ကိုသာ လုပ်ရမည်ဖြစ်သည်၊ ပညာရေးဟာ လူမှုရေး စီးပွားရေး ဘာသာရေးနယ်ပယ်အားလုံးမှာ လိုအပ်သည်သာ၊ ဒါကြောင့်သားသမီးတွေကို ငယ်ငယ်လေးကတည်းက အသိပညာတွေရအောင်သင်ပေးရမည်ဖြစ်သည်။
နံပါတ် ၄.. ပေးဝေရင်းနှီး တဲ့….
မိမိတို့ဆုံးမထားသည့်အဆုံအမအားလျော်စွာ သင်ပေးထားသည့်ပညာအားလျော်စွာ ပတ်ဝန်းကျင်အသိုင်းအ၀ိုင်းမှာ အံဝင်ခွင်ကျဖြစ် မဖြစ်၊ နေတတ်ထိုင်တတ် လုပ်တတ် ကိုင်တတ်မှု ရှိ မရှိကို လက်တွေ့ကျကျ လုပ်ကိုင်နိုင်ဖို့အတွက်အခွင့်အရေးတွေပေးရမည်၊ စီးပွားရေးလုပ်ချင်လျင် စီးပွားရေးလုပ်ဖို့ အားပေးရမည်၊အရင်းအနှီး ထုတ်ပေးရမည်၊ လူမှုရေးဆိုလည်း လူမှုရေး၊ ဘာသာရေးဆိုလည်းဘာသာရေး လက်တွေ့ကျကျလုပ်တတ်ကိုင်တတ်ဖို့ ရှုံးသည်မြတ်သည်ကိုအဓိကမထားပဲ လူ့လောကထဲမှာ ကျင်လည်လာအောင် သင့်တင့်သော အရင်းအနှီးပေးဆပ်ရမည်သာဖြစ်သည်။
နံပါတ် - ၅ ……………. ထိမ်းမြှားခြင်း တဲ့
မိဘတို့၏ နောက်ဆုံးဝတ္တရားဖြစ်သော ထိမ်းမြှားခြင်းဆိုတာ အထက်ပါ စီးပွားရေး လူမှုရေး ဘာသာရေး စတဲ့ပန်ဝန်းကျင် အသိုင်းအ၀ိုင်းမှာ ကျွမ်းကျင်မှုရှိလာတဲ့ သားသမီးတွေကို ထိမ်းမြှားလက်ထပ်ပေးရမည်။
မိဘတွေဘက်က ဒီကျင့်ဝတ်ငါးပါး သားသမီးတွေအပေါ်မှာ ပြည့်စုံရမည်၊ ဒီကျင့်ဝတ်ငါးပါးနှင့်သာ ပြည့်စုံလျင် ဘယ်သားသမီးမှ မိဘကို ပစ်မသွားနိုင်ပါ၊ အိမ်ထောင်မပြုသေးသော သားသမီးတွေအတွက် ကျန်ကျင့်ဝတ်လေးပါးနှင့်လည်း ပြည့်စုံသည်ဟုဆိုရမည်သာ၊
ငယ်ငယ်ကတည်း က လက်ထပ်သည့်တိုင်အောင် မကောင်းတာတွေကိုတားမြစ်လို့ ကောင်းတာတွေကိုညွန်ကြားပေးလို့ အသိပညာ အတတ်ပညာတွေကို သင်ပေးလို့ သင်ပေးထားသည့်
ပညာအားလျော်စွာ နယ်ပယ်အသီးသီးမှာ လက်တွေ့ကျကျလုပ်စေခြင်းတွေက သားကောင်းသမီးမွန်တွေဖြစ်လာစေမှာ အမှန်ပါပဲ၊
မိဘတွေဘက် ဒီလိုအချက်တွေနဲ့ ပြည့်စုံနေရပါမည်၊ ဒီအချက်တွေနဲ့ မပြည့်စုံဘူး၊ အကုန်လုံးမဟုတ်တောင်မှ
တစ်ချက် နှစ်ချက်လောက်နဲ့မှမပြည့်စုံဘူးဆိုရင် ဒီသားသမီးတွေဟာ ဆိုးရုံပဲရှိတော့တာပါ၊ မိဘကျေးဇူးဆိုတာဘာမှနားလည်မှာမဟုတ်သလို လုပ်ကျွေးဖို့လည်း စိတ်ကူးတောင်ရှိမှာမဟုတ်ပါဘူး၊ ဒီအတိုင်းဆိုရင်တော့ ဒီမိဘတွေဟာ သားသမီးတွေရဲ့ စွန့်ပစ်ခြင်းကိုခံရပါလိမ့်မယ်၊ သားသမီးက ရှေးအတိက်ပါရမီကြောင့်သော်လည်း ပတ်ဝန်ကျင်းအသိုင်းအ၀ိုင်းက အတုယူတတ်လို့ လိမ္မာရေးခြားရှိတဲ့သား
သမီးနဲ့တွေရင်တော့ ဒီမိဘ ကံကောင်းတယ်လို့ ဆိုရမည်ပင် ဒါကလည်း ရှားပါးပါလိမ့်မည်။
နောက် တစ်ချက်က ဘာကြောင့်သားသမီးတွေက မိဘတွေကို စွန့်သွားရတာလဲ? ဒီအကြောင်းကတော့အထူးရှင်းပြစရာမလိုတော့ပါ။ အထက်ပါအဆုံးအမတွေကို မနာခံရတဲ့ သားသမီးတွေဟာ မကောင်းမှု ကောင်းမှုဆိုတာလည်မသိ ဘာအတတ်ပညာ ဘာစဉ်းစားဥာဏ်မှလည်းမရှိတော့ မိဘကျေးဇူးဆိုတာလည်း မသိတော့ဘူး၊ ကြားတောင်ကြာဘူးမှာမဟုတ်ပါ၊ ဒီတော့ လုပ်ကျွေးဖို့ဆိုတာ ဝေးပြီပေါ့။
ကံကောင်းထောက်မစွာ မိတ်ဆွေကောင်း ဆရာကောင်းတွေနဲ့တွေ့မှာသာ မိဘကျေးဇူးနာလည်လာဖို့ရှိတယ်။
အားလုံခြုံကြည်မယ်ဆိုရင် သားသမီးမကောင်း မိဘခေါင်း ဆိုတဲ့အတိုင်းပဲ မိဘတွေရဲ့ အပြစ်လို့ပဲပြောဖို့ရှိပါတယ်။
နောက် တစ်ခုပြောချင်တာကတော့ သားသားမီးမီးတို့ သိထားဖို့ပါ၊ ဦးဇင်းတို့ဘုရားရှင်ရဲ့ မယ်တော် မာယာဟာလေ ဒို့ဘုရားကိုမွေးဖွားပြီး ( ၇ ) ရက်ရှိတာနဲ သေသွားတာပါ၊ သူ့သားလေးကို ဆုံးမဖို့နေနေသာ ပြုစုလုပ်ကျွေးခွင့်လေးတောင်မရလိုက်ပါဘူး၊ အထက်ကပြောခဲ့တဲ့အကြောင်းအရာတွေနဲ့ နှိုင်းယှဉ်ကြည့်မယ်ဆိုရင် ဦးဇင်းတို့ ဘုရားအလောင်းပေါ်မှာ မယ်တော်မာယာဟာ နဲနဲလေးမှ မိဘ၀တ္တရားမကျေပွန်ခဲ့ဘူးလို့ဆိုရမှာပါ၊ သားသမီးတစ်ယောက်အနေနဲ့ ဒီလိုအမေမျိုးကို ဘယ်လိုကျေုးဇူးမှမရှိ
ဘူးလို့တောင် တွေးကောင်းတွေးမိမှာပါ။ ဒါပေမယ့် ဦးဇင်းတို့ဘုရားရှင်က ဒီလိုမတွေးပါဘူး မိဘကျေးဇူး ကြီးမားပုံတွေကို သူ့ရဲ့ တပည့်သာဝက တပည့်ဒကာ ဒကာမတွေကို ဟောကြာတော်မူခဲ့ပြီး ကိုယ်ကိုယ်တိုင်လည်း တာဝတိံသာနတ်ပြည်သို့တက်ကာ မိဘကျေးဇူးဆပ်တဲ့အနေနဲ့ အဘိဓမ္မာတရားတော်ကြီးကို
ဝါတွင်းသုံးလပတ်လုံး မရပ်မနားဟောကြားတော်မူခဲ့ပါတယ်၊ တရားဟောပြီး မယ်တော်ဖြစ်ခဲ့ဖူးသည့် သန္တုဿိတနတ်သားဟာ တရားထူးရသွားခဲ့ပါတယ်၊ ဒါကြောင့် ဒို့ဘုရားရှင်ဟာ မိဘကျေးဇူးကို အကြေဆပ်နိုင်ခဲ့ပါတယ်၊ နို့တစ်လုံးဖိုးသာ ကြေတယ်ဆိုတဲ့ မမှန်ကန်တဲ့ အယူတွေကိုစွန့်လွတ်ပစ်လိုက်ပါ။
ဒီနေရာမှာ မိဘကျေးဇူးဆိုတာ ဘာလဲလို့ လူပြိန်တွေး တွေးမယ်ဆိုလာရင်တော့ ၀မ်းကြာတိုက်ကနေပြီး လူ့လောက ထဲရောက်လာအောင် မွေးထုတ်ပေးခဲ့တာကိုက မိဘတွေရဲ့ ဆပ်မကုန်နိုင်တဲ့ကျေးဇူးတွေပါပဲ။
မမွေးဖွားခင် စားချင်ရက်နဲ့ ၀မ်းထဲက သားလေး တစ်ခုခုဖြစ်သွားမှာစိုးလို့ မစားခဲ့ရတဲ့ ရှောင်ခဲ့ရတဲ့အစားအစာတွေ၊
ထိမ်းသိမ်းစောင့်ရှောက်ရတာတွေက မနည်းပါဘူး၊ ဒါကိုမိဘဖြစ်ဘူးတဲ့သူတိုင်းသိနိုင်ပါတယ်၊ ဒါဟာ အမေတစ်ယောက်ရဲ့ သားသမီးတွေအပေါ်မှာထားတဲ့မေတ္တာတွေပါပဲ၊
ဒါကြောင့် သားသမီးတွေအနေနဲ့ မိဘတွေဟာ မမွေးခင်ကလည်း ရှောင်ရဆောင်ရတဲ့ ဒုက္ခတွေ၊ မွေးဖွားချိန်ကျပြန်တော့ လည်း သေမင်းနဲ့ နင်လားငါးလား အလုအယက် မွေးဖွားခဲ့ရတဲ့ဒုက္ခတွေ ဒီလိုအသက်နဲ့
လုပြီး မိမိကို လူ့လောကထဲရောက်အောင် ရောက်လာပြန်တော့ လူလားမြောက်အောင် ပိုးမွေးသလိုမွေးပြီး ပြုစုလုပ်ကျွေးခဲ့တာတွေနဲ့တင် မိဘကျေးဇူးတွေက များနေပါပြီ၊ အဲဒီလို ရှေးရှေးဘုရားလောင်းသူတော်ကောင်းကြီးတွေရဲ့ နှလုံးကိုမူကာ မိဘကျေးဇူးကိုနာလည်သိမြင်ပြီး၊ နာလည်သိမြင်သည့်အလျောက် မိဘကျေးဇူးကို ဆပ်နိုင်အောင်ကြိုးစားနိုင်သော သားလိမ္မာသမီးလိမ္မာလေးတွေဖြစ်နိုင်ကြပါစေလို့ တိုက်တွန်းရင်း ဘုရားရှင်ရဲ့ မိဘကျေးဇူးဆပ်တရားဟောပြီးလုပြည့်ပြန်ဆင်းလာသည့်နေ့ ကိုအကြောင်းပြုကာ ဒို့ပို့စ်လေးကိုရေးလိုက်ရပေသည်.။

                                                                                           သာကီမင်းသားလေး
               
                                                                                     ၂၇.၁၀ ၂၀၁၂ စနေနေ့