* ပန်းနီလာ
ဗေဒါဆင်သလို့ 
ယဉ်လှတယ်လေး ။
စုန်ချည် ဆန်ချည်နဲ့ 
ဒီချောင်းရေ ဗေဒါလမ်းမှာ
တန်းစီလို့  လေး ။
* အိုအချင်း ကျူရိုးရှင်...။
မဗေဒါ ပြာလဲ့လန်း၊ ကမ်းကပ်မယ်ပြင် ။
စံပယ်လှ ပွင့်ဖြူစင်၊ ကမ်းခွင်က ငယ်ကျွမ်း ။
သူ့ လိပ်ပြာ အခြံအရံနဲ့ 
သူ့ စံရာ သူပျော်မွေ့
ပြေးတွေ့ချင်စမ်း ... တဲ့ ။
* တွေ့ချင်တဲ့  စေတနာရယ် ... ။
ငယ်ကျွမ်းဆွေ လွမ်းဝေတေးပေမို့ 
အေးချိုလှတယ် ။
လိပ်ပြာက ဝတ်ရည်သယ်၊ စံပယ်က မအား ။
ပွင့်ဖူးတဝေဝေနဲ့
ဒီချောင်ရေ ဗေဒါလမ်း
မယ့်လမ်းပါလား ။
* အိုအချင်း ကျူရိုးရှင် ... ။
မဗေဒါ ပြာလဲ့လန်း ၊ ကမ်းကပ်ပြန်ချင် ။
ဟိုအကွေ့မှာလ
ကိုရင်ဖေ့ ချစ်ရေစင် ၊ ပျို့ခင်ရဲ့အနွဲ့။
ပျို့လက်မှာ မယ်ဗေဒါက
ဟိုမျက်နှာ ချစ်တုံ့ပုန်းကို
ပြုံးကြည့်ချင်ငဲ့ ... တဲ့ ။
* ကြည့်ချင်တဲ့  စေတနာရယ် ...။
သနားဖွယ် ချစ်ဖွယ်တေးပေမို့ ၊ အေးချိုလှတယ် ။
ချစ်စနိုးရယ်နဲ့
မြစ်ရိုးက အပြာခြယ်ကို ၊ ပျို နယ်လိုက်လေမလား ။
ပွင့်ဖူးတဝေဝေနဲ့ 
ဒီချောင်းရေ ဗေဒါလမ်း
မယ့်လမ်းပါလား ။
* အိုအချင်း ကျူရိုးရှင် ... ။
မဗေဒါ ပြာလဲ့လန်း ၊ ကမ်းကပ်ပြန်ချင် ။
ထီးတော်က တချွှင်ချွှင် ၊ ကွင်းပြင်က ဘုရား ။
နေမင်း ညိုချိန်တန်ပေါ့
နိဗ္ဗာန်ကို စိတ်ကြံကူး
ဖူးချင်လျက်သား ... တဲ့ ။
* ဖူးချင်တဲ့ စေတနာရယ် ။
နိဗ္ဗန္ဒာ ဂီတာတေးပေမို့ ၊အေးချိုလှတယ် ။
ကျွတ်ဆုကို ရွယ် ၊ လွယ်ပါတော့ အရ။
ပွင့်ဖူးတဝေဝေနဲ့ 
ဒီချောင်းရေ ဗေဒါလမ်း ၊ မယ့်လမ်း သာပါ့ ။
* ချောင်းရေက ဖောင်၊ တောင်လေက သွေး ။
ရွင်လင်းယဉ် မြိုင်မြိုင်နဲ့ 
ပန်းတိုင်ကို ပန်းခိုင်ဆိုက်အောင်
အားစိုက်ပါလေး ။
* * * * *
(၁၉၅၇-၁၉၅၉)
No comments:
Post a Comment