သာကီမင်းသားလေး: အလွမ်းဝေစေသည့် နှင်း....

                                                               ၁


   ဆောင်းရာသီရဲ့ ဖြေးညှင်းစွာတိုက်ခတ်လာသော လေသည် ခန္ဓာကိုယ်ကို ချမ်းစိမ့်စေပါသည်။ရာသီဥတု၏ ဖောက်ပြန်မှုကြောင့် ထင်ပါရဲ့ ကောင်းကင်မှာ ညို့ မှိုင်းအုံ့စိုင်းနေသည်။
ကိုလွမ်းဝေ သည် ရာသီဥတုကို ကြည့်ပြီး လွမ်းချင်သလိုလို ဖြစ်နေသည်။    လွမ်းစရာ ရှိသလားဆိုတော့ မရှိ ။သို့ပေမယ့်    စိတ်ထဲမှာတော့   လွမ်းနေသည်။ ဘယ်အရာကို လွမ်းနေမှန်း မသိ ။ သြော်....စိတ်သည်   တယ်ခက်ပါပကော လို့  ညည်းညူမိတော့သည်။ ထို့  နောက် ကိုလွမ်းဝေသည်
ရွာ အရှေ့ပိုင်းမှ သူငယ်ချင်း မမိုးတစ်ယောက် မြို့ကပြန်လာသည်ဟု သတင်းကြားသောကြောင့် မမိုး ဆီကို ထွက်လာခဲ့သည်။
”ဟေ့ ...မမိုး...မမိုး....” ဘာတုန်းဟဲ့....။
”နင်မြို့က ပြန်လာတယ် သတင်းကြားလို့  ငါ..နင့်ဆီကို အလည် လာခဲ့တာ...။
သြော်....အင်း...အင်း...အိမ်အောက်က ခဏလေး စောင့်နေ ။
ငါ အဝတ်စားလည်းပြီး ဆင်းလာခဲ့မယ်။”အေး..အေး..”။
ကိုလွမ်းဝေ တစ်ယောက် အိမ်အောက်မှာ ထိုင်စောင့်ရင်း စားပွဲပေါ်မှ စာအုပ်တွေကို ဖတ်နေမိသည်။
နောက်ဆုံးဖြစ်သည့် စာအုပ်အမည်ကို သေချာဖတ်လိုက်၏ နတ်သျှင်နောင်နှင့် ဓာတုကလျာ..တဲ့ ..။
ထို့ နောက် စာရေးသူအမည်ကို ဆက်ဖတ်လိုက်သည်။ ကထိက စိန်လွင်လေး ဆိုပါလား..။
ဖတ်ကြည့်အုန်းမှဆိုပြီး အလယ်လောက်ကို လှန်ကြည့်လိုက်သည် ။ခေါင်းစဉ်က ”ဆွတ်ပျံ့ဖွယ် ရတု”ဖြစ်၏။     အောက်ကိုဆက်ဖတ်ကြည့်သည် ”တင့်လှပေဟန်၊ ဖက်မရန်တည့် ၊ခြောက်တန်နတ်ရွာ၊ ဘုံကလာသို့”..တဲ့ ။ကိုလွမ်းဝေ စာအုပ်ကို ပြန်ပိတ်လိုက်သည်။
           ထို့နောက် စဉ်းစားခန်းဖွင့်နေတော့၏ ။ ဘာတဲ့....ခြောက်တန်နတ်ရွာ ၊ဘုံကလာသို့  ...တဲ့။
နတ်ပြည်ခြောက်ထပ်မှ ဆင်းလာသကဲ့သို့  ဆိုပါလား။
”ဟဲ့... နင်..စောင့်နေရတာ ကြာသွားသလား..”။
ရပါတယ် မကြာပါဘူး။   ”ရော့...ဒီစာအုပ်တွေက နင့်..အတွက် ဝယ်လာတာ..။
အေး...အေး...ကောင်းပါတယ်..။
           ထို့နောက် ခြေသံကြားလို့  လှည့်ကြည့်လိုက်သည် ကိုလွမ်းဝေ တစ်ယောက် မှင်သက်မိသွားသည်။ သြော်.....မမနှင်း...လာလေ..မိုး...မိတ်ဆက်ပေးမယ်..။
”ဟဲ့ ....လွမ်းဝေ.....”သြော်....အင်း.......။လွမ်းဝေ ငေးနေခိုက် ခေါ်လိုက်သောကြောင့် အငိုက်မိသွားသည်။
သို့ အတွက် ရှက်လည်းရှက်သွား၏။ ..ဟဲ့ ....ဒါ ..မမနှင်း..တဲ့  ငါ့အလုပ်ရှင်၏ တစ်ဦးတည်းသော သမီး လေ..။နာမည်အပြည့်စုံက မနှင်းသဇင်..လို့ ခေါ်တယ်လေ။ ..ဟုတ်ကဲ့ ...မမနှင်း...တွေ့ ရတာဝမ်းသာပါတယ် ..ကျနော့်နာမည် မောင်လွမ်းဝေ.ပါ..။လွမ်းဝေ တစ်ယောက် အခုမှမြင်ဖူးတဲ့  မနှင်းသဇင်ကို ရင်းရင်းနှီးနှီး မမနှင်း..လို့  နုတ်ဆက်လိုက်သည်.။ထို့ နောက် အတော်အတန် စကားပြောပြီး လွမ်းဝေနှင့် မမနှင်းတို့  ရင်းနှီးသွားကြသည်။ထို့ နောက် လွမ်းဝေ နုတ်ဆက်ပြီး အိမ်ကိုပြန်လာခဲ့ ၏။ လူလေး....မင်း ဘယ်ကိုသွားနေတာလဲ....။ 'ဘကြီးမြ...ကျနော်..မမိုး..မြို့့ကပြန်လာတယ်ဆို လို့  ရွာထဲကို သွားရင်း..ဝင်နုတ်ဆက်နေလို့ ကြာနေတာပါ....။ သြော်....အေးကွယ့်...အေးကွယ့်...။မမိုးက အလည်ပြန်လာတာတဲ့ ..ဘကြီးမြ..ရဲ့ ။ဧည့်သည်တစ်ယောက်လည်း ပါလာတယ်လေ..မမိုး..အလုပ်ရှင်ရဲ့  တစ်ဦးတည်းသောသမီး မမနှင်း..လို့  လွမ်းဝေ..ပြောပြလိုက်သည်..။ထို့  နောက်..ဘကြီးမြ....ထမင်းစားတော့မလား..အေးကွယ့်..စားကြတာပေါ့.ဟုစကားပြန်ရသောကြောင့်
လွမ်းဝေ ထမင်းပွဲပြင်လို က်သည်။ ထူးထူးခြားခြားတော့ မဟုတ်ပါ..ဒီနေ့ လွမ်းဝေ..ချက်ထားသည့်ဟင်းမှာ ကန်ဇွန်းရွက်ကြော်နဲ့ ခရမ်းချဉ်သီးကို ဆီပြန်ချက်ထား၏။ အိမ်မှာ ဘကြီးမြနှင့် လွမ်းဝေ နှစ်ယောက်တည်းရှိသည်မို့ အများကြီးတော့ချက်စရာမလို ပါ။ မှန်ပါသည်။ လွမ်းဝေ ငယ်စဉ်ကပင် မိဘနှစ်ပါး ဆုံးပါးသွားသောကြောင့် အဖေ့ရဲ့ အဖေဖြစ်သူ ဘကြီးမြ၏ စောင့်ရှောက်မှုဖြင့် ကြီးပျင်းလာခဲ့  ရသူဖြစ်သည်။ဘကြီးမြလည်း သူတတ်သည့် တယောထိုးပညာနှင့် ကဗျာရေးနည်းပညာတွေကိုတော့ မြေးလေးလွမ်းဝေတစ်ယောက်ကို သင်ပေးရှာသည်။ကျောင်းကိုတော့ ရှစ်တန်းထိပဲ ထားနိုင်ခဲ့ သည်။ လွမ်ဝေတစ်ယောက် ထမင်းစားပြီး တယောလေးကိုင်ကာ အိမ်ခေါင်းရင်း ဗန်ဒါပင်ရင်တွင်ထိုင်ကာ တယောထိုးကာ နုတ်မှလည်း ဆိုညည်းလိုက်၏။ ဆိုသည့် သီချင်းက အဆိုတော်ကြီး ကိုမင်းနောင်ရဲ့  "နှင်းပျောက်တဲ့ ....နွေ....တဲ့ ။ .. နှင်း...ငွေရောင်ဖြူစွ....တူလှသဏ္ဍာန်ပေ...ငွေခြည်ပုလဲနုတို့ ....စုကာဖျန်းတော့.. လန်းဆန်းစိုပြေ(ပြည်)....နှင်းတွေဝေကြ....ဆောင်းဟေမာန္တ....နှင်းကပေါ်မလာတော့သည်...ဟုဆိုကာ ရပ်လိုက်တော့သည်။ ပြီး.....စဉ်းစားခန်းဖွင့်နေတော့၏။   ..သြော်.....မမနှင်း....မမနှင်း...နာမည်နှင့်လိုက်အောင် တကယ်ပင်လှပါလား...ခြောက်တန်နတ်ရွာ....ဘုံကလာသို့ ....လို့  နတ်သျှင်နောင်သည် ဓာတုကလျာကို မြင်မြင်ချင်းစပ်ဆိုခဲ့ ၏ ။ မှန်ပါသည် ။...မမနှင်း..သည် နတ်ပြည်မှ ..ဆင်းလာသည့်အလား ပြောရက်စရာမရှိအောင်လှသည် ။မျက်လုံးက သမင်ငယ်အလား........။မျက်ခုံး...က စင်ယော်ကဲ့သို့ ...။နှာတံက ..ဆင်းဆင်း နုတ်ခမ်းကား....ညို့ တင်ထားသည့်..လေးပမာ...။မျက်နှာတစ်ခုလုံးကို ကြည့်ပြန်တော့.. ငွေလမင်းအလား...ကြည့်သူကို အေးမြစေသည်။... သြော်....ငွေလမင်းကဲ့သို့ ...အေးမြစေသော ငွေလမင်း....ကျနော့်ငွေလမင်းပါတကား....။ ဘာမဆိုင် ညာမဆိုင်နဲ့  ပါးစပ်မှ အသံထွက်ဆိုလိုက်သည် ကျနော့် ....ငွေလမင်း....တဲ့..။

                                                                 ၂

မိုးလေကင်းစင် ကြည်လင်အေးမြတဲ့  ညနေခင်းမှာ လွမ်းဝေတစ်ယောက် ရွာထိပ်ရဲ့ ဗေဒါချောင်းလေးဆီကို လမ်းလျှောက်ထွက်လာခဲ့သည်။ ထွက်လာရင်းနဲ့ မမိုး တို့ အိမ်နားအရောက် တစ်ချက်စောင်းငဲ့ကြည့်လိုက်သည်။    တွေ့လိုက်ပါပြီ ငွေလမင်း....ကျနော့်ငွေလမင်း ..။“ မောင်လွမ်းဝေ..ဘယ်ကိုသွားမလို့ လဲ“
"မမနှင်း ..ကျနော် ရွာထိပ် ဗေဒါချောင်းဆီကို လမ်းလျှောက်သွားမလို့ ပါ ။ ဒါဆို အတော်ပဲ မမနှင်းလည်း
လိုက်မယ်လေ..။“ ဟုတ်..လိုက်ခဲ့ လေ..။နေဦး ...မမနှင်း.. ညီမလေးမိုးကို ပြောခဲ့လိုက်ဦးမယ်..။
“ ညီမမိုး...မမနှင်း..မောင်လွမ်းဝေနဲ့  ဗေဒါချောင်းဆီကို လမ်းလျှောက်လိုက်သွားဦးမယ်။ “ ဟုတ်..မမနှင်း...လိုက်သွားလေ...။ “ဟဲ့..လွမ်းဝေ..မမနှင်းကို သေချာဂရုစိုက်နော်“ ။မမိုးသည် မျက်နှာ မချိုမချဉ်လုပ်ကာ ပြောလိုက်သည်။ မောင်လွမ်းဝေနှင့် မမနှင်းတို စကားပြောရင်း လျှောက်လာလိုက်တာ။
“ ဟယ်...မောင်လွမ်းဝေ ဗေဒါပင်လေးတွေက ပန်းနီနီလေးတွေနဲ့ ရောထွေးနေတော့ တစ်မျိုးကြည့်လို့ လှတယ် ချစ်စရာလေးနော်“။
ပန်းနီလာ ...
ဗေဒါဆင်သလို့ ..
ယဉ်လှတယ်လေး....။
စုတ်ချည်ဆန်ချည်နဲ့ ..
ဒီချောင်းရေ ဗေဒါလမ်းမှာ..
တန်းစီလို့ လေး...တဲ့။
မမနှင်း ကြားဖူးပါတယ် မဟုတ်လား ဗေဒါလမ်းကဗျာတွေ ဆရာဇောဂျီ ရေးထားခဲ့တာလေ။ “ ကြားဖူးတာပေါ့...မောင်လွမ်းဝေရယ်...။ ဒါနဲ့...မောင်လွမ်းဝေ ကဗျာဝါသနာပါတယ်ပေါ့...။...ဟုတ်...မမနှင်း...ကျနော် ဝါသနာပါတယ် ရေးလည်း...ရေးပါတယ်။...ဟယ်...တယ်ဟုတ်ပါ့လား..။ဒါဆို   မောင်လွမ်းဝေ ရေးထားတဲ့ ကဗျာလေး မမနှင်းကို ဆိုပြပါလား။...ဟုတ်...သေချာလေးနားထောင်နော်...။
သည်ဆောင်းဟေမာန်...
မြောက်ပြန်လေညှင်း...
ဝှေ့ကာနင်းတော့...
သည်နှင်းသဇင်...ပွင့်တယ်ကို...။

   ထို့နောက် မောင်လွမ်းဝေ ဆက်မဆိုပဲ ရပ်ထားလိုက်သည်။ ရှေ့ဆက်ဆိုလေ။...မဆိုပါရစေနဲ့...မမနှင်း...ရယ်။...ဘာဖြစ်လို့ လဲ...ဆိုရင် မမနှင်း စိတ်ဆိုးမှာပေါ့....။...ဘာဆိုင်လို့ လဲ....ဆိုင်ပါပကော...မမနှင်း...ရယ် ။ ...ကဲပါ...မမနှင်း စိတ်မဆိုးပါဘူး...။ သေချာတယ်နော်...။အင်း..ပါဆို...။
သဇင်ပွင့်တိုင်း
ရင်မှာလှိုင်းခတ်
ချိန်တိုင်းတလျှက်
မှန်းဆတွေးလို့ ..လွမ်းတယ်ကို ....တဲ့။
ဟယ်...မောင်လွမ်းဝေ က လွမ်းတတ်တယ်ပေါ့..။ ချစ်တတ်ရင်...လွမ်းတတ်ပါတယ် ...မမနှင်း..။
ချစ်ရင်....လွမ်းတယ်..ဟုတ်လား..။ ဟုတ်ပါတယ်...မမနှင်း...။ ဒါဆို ...ဘယ်သူ့ကိုလွမ်းတာလဲ ...
ကျနော့်ငွေလမင်းကို လွမ်းတာပေါ့....မမနှင်း....ရယ်။ မောင်လွမ်းဝေ ရဲ့ ငွေလမင်း.....ဟုတ်လား ။
ဟုတ်တယ်.....ကျနော့်ငွေလမင်း.....။ မောင်လွမ်းဝေရဲ့ ...ငွေလမင်းက ဘယ်သူတဲ့လဲ...။
မမနှင်း.....ပေါ့ ။ ပြီးတော့ မောင်လွမ်းဝေ မမနှင်းကို သေချာလေး စိုက်ကြည့်လိုက်သည်..မမနှင်း မျက်နှာ
မှာ ရှက်သွေးဖြာနေသည် ။ သွား..........လူဆိုး........ဟုပြောပြီး မမနှင်းတစ်ယောက်ပြေးထွက်သွားတော့သည် ။
ငွေလမင်း ဟူသည်ကို လူကမပိုင်နိုင်ပါ....။ မပိုင်နိုင်ပေမင့် ချစ်ရသည်....။ သြော်........ငွေလမင်းကိုမှ
ချစ်ရလေသည်....။



                                                         ၃

             ဆောင်းအကုန် နွေအကူး လေရူးသည် သစ်ရွက်ကလေးတွေနှင့် ပျော်မြူးရင်း ဆော့ကစားနေကြ
သည်။ ဥသြသည် နွေကို အဖော်ပြုရင်း ကျူးရင့်နေသည်။ ကောင်းကင်မှာ နေညိုချိန် တိမ်တောက်နေ၏။
ဖြူနုသွယ်လျသော လက်ချောင်းကလေးများသည် စန္ဒယားပေါ်တွင် လူးကာလွန့် ကာ ခေါက်တုန့် 
ခေါက်ပြန် လုပ်ရှားနေသည်။လုပ်ရှားရင်း သာယာညှင်းဖွဲ့ သော အသံနှင့် သီဆိုနေသည်။
မမနှင်းလည်း မြို့ ကိုပြန်ရောက်ပြီးနောက် စန္ဒယားရှေ့ တွင် အချိန်ဖြုန်းနေတော့၏။ ရွာတွင်နေခဲ့သည်နှင့်
အမျှ မောင်လွမ်းဝေနှင့် အတူရှိနေသည့် အချိန်တွေကို သတိရနေ၏။ သတိရမိတိုင်းလည်း မိမိကိုယ်ကို
မကျေနပ်ဖြစ်နေသည်။ နောင်တလည်း ရနေ၏။ မောင်လွမ်းဝေ ချစ်စကားဆိုတုန်းက ရွှေလင်ဗန်းနှင့်
အချင်းဆေးပြီး မွှေးလာသူ သူဋ္ဌေသမီးပီပီ ခါးသီးစွားပြောခဲ့မိသည်။ အခုတော့ မမနှင်း မောင်လွမ်းဝေကို
လွမ်းနေပြီလော ။ ချစ်ရင်...လွမ်းရတယ်.....တဲ့ ......ဗေဒါချောင်း တံတားပေါ်မှာ မောင်လွမ်းဝေ ပြောခဲ့
သည်ကို သတိရနေသည်။
              ရွာဦးစေတီ ရင်ပြင်ပေါ်တွင် လူတစ်ယောက် တယောထိုးရင် သီချင်းသီဆိုနေသည်။
ထိုသူကား...............
တကယ်......မေတ္တာစစ်နဲ့  .....ချစ်ရက်သားနဲ့ ......ငြင်းပယ်တော်....မူအားတယ်...........
အဟုတ်.........မေတ္တာစစ်နဲ့ ......ချစ်ရက်သားနဲ့ ...ပြစ်ပယ်တော်.....မူအားတယ်............
အထင်တော်........လွဲလို့ ရယ်.....ချစ်တဲ့သူမယ်.....ခွဲနိုင်ရှာရက်တယ်............
မောင့်အပေါ်ဝယ် .......ဂုဏ်ရည်မတူလို့ လား..........ရွှေစပယ်ဖြူ.......ပန်ချင်သူကများ..........
မသနားဘဲ ရက်စက်တယ်..........
ဂုဏ်ရှိုန်မြင့်တဲ့ သူရယ်......ချစ်စေကြောင်းနဲ့......တောင်းပန်ချင်ပါတယ်......တကယ်ပင်မုန်းတော့ရင်
ကွယ်....ဘဝတုန်းအောင်.....အဆုံးစီရင်နိုင်တယ်........ဖြေသော်မပြေတယ်....အစွဲကြီးစွဲမိတယ်........
မောင့်အပေါ်ဝယ် ........ဘယ်လိုသဘောနဲ့ .....ကွယ်.....ချစ်မိသူမှာ .......ခင်ရယ်......
လွှမ်းပိုအောင်.........စီမံလေတော့တယ်......အသက်မက..တစ်ဖက်သတ်နဲ့ .....ချစ်မိခဲ့တယ်.....
ဘယ်သောအခါများ......နီးရပါမယ်.......၈ုဏ်မြင့်သူရမယ်.........အလို.......မျှော်မှန်း.........
လွမ်းပါပေါ့ကွယ်......သြော်.........ချစ်ပါရစေ.....အသနားခံသော်လည်း......ငြင်းပယ်တယ်.
ဂုဏ်မြင့်သူကကွယ်.........ဂရုဏာတရားရယ်........မောင့်အပေါ်ကင်းတးယ်......
သင်းပျံ့ စပယ်ရနံ့...အဆင်းအလှ.....ကြွယ်သမျှ......ဂုဏ်ငယ်သူကို.....မုန်းတော်မူအားတယ်......
မောင်လွမ်းဝေ တယောထိုးကာ ဆွေးမြှေ့စွာ သီချင်းဆိုနေမိသည်။
သြော်.......သူတစ်ယောက်ကို ချစ်မိရင် ..သူတစ်ယောက်မှာ ပူရသည်။ ထိုအပူသည် ဘယ်အပူနှင့်မှ
မတူ ။ပိုလို့ ပင် ပူသည်။ ရင်ထဲမှာ ဖွဲမီးလို့  လှိုက်လှိုက်ပြီး ပူသည်။ ကိုယ်ချစ်သောသူနှင့် ကွေကွင်းရခြင်း
မှာ ဆင်ရဲခြင်းအကြောင်း မကောင်းပါလား......ဆိုတာ မောင်လွမ်းဝေ သိလိုက်သည်။
သိလိုက်သည်အလျှောက် သုံးခွင်ပရမေ မြတ်စိန္တေထံမှာ ဆုပန်ခြွေမိ၏။
                                  အုံတငွေ့ငွေ့
                                  ပူလေ့ကိုယ့်မှာ
ချစ်လို့ ကြင်နာ
   နေချင်ပါလည်း
   ဖန်လာဝိပါက်
   ကြမ္မာချက်ကြောင့်
   ချစ်လျှက်ဝေးကွာ
   ဝေဒနာကို
   မြတ်စွာဘုရား
   ဟောခါကြားသော
   တရားနဲ့လည်း
   ဖြေလည်းမပြေ
   သည်ခက်ဗွေကြောင့်
           ငါလေဖြစ်ရ၊
                                 သည်လောကမှာ၊
                                 တဏှာ့ဒါသ ၊
                                 ဖြစ်ရခါခါ၊
                                 များလှစွာသား၊
                                 သို့ ဖြစ်ပါ၍
                                 နောင်လာဘဝ၊
                                 ဖြစ်သမျှနှိုက်၊
                                 ဗုဒ္ဓမြတ်စွာ၊
                                 သာသနာ၏၊
                             ဒါသကျေးကျွန်၊
                             မြတ်ဆုမွန်ကို၊
                                 ပန်ချွေသမှု ပြုပါ၏............။
.
                                                                ပြီးပါပြီ

                                                                            သာကီမင်းသားလေး

သာကီမင်းသားလေး

Sunday 7 October 2012

အလွမ်းဝေစေသည့် နှင်း....

No comments:

Post a Comment